Noong biyernes Hulyo 1 ipinalabas ang episode na kung saan guest ang Queen of All Media na si Kris Aquino sa morning show ni Marian Rivera na Yan Ang Morning na pinag-usapan online.
Ang balitang imbes tigbakin diumano sa ere, ang ginawa ay nagkaroon ng malaking pagbabago sa show na Yan Ang Morning dahil sa mababa nitong nakukuhang tv ratings.
Hindi nakatulong sa pagtaas ng ratings ang pag-guest ni Kris Aquino sa show ni Marian Rivera dahil wagi pa rin ang katapat nitong programa na Kapamilya Blockbusters.
Marami din ang nakapansin sa nasabing episode na kung saan tinalbugan pa ni Kris Aquino ang host mismo na si Marian Rivera sa interbyu portion nito. Tila nagmukhang host si Kris at ang ending ay si Marian ang nagguest sa kanyang mismong show.
Pinuna din ng ilan ang naging Fast Talk ni Marian Rivera kay Tetay sey ng ilan huwag ng mag fast talk si Marian dahil hindi nya ito keri.
Ayon sa datos mula sa Kantar Media noong Hulyo 1 nakapagtala ng 7% ang morning show na Yan Ang Morning laban sa 14.5% na ratings ng Kapamilya Blockbusters presents "Olympus has Fallen".
Tinalo din ng Kapamilya Blockbusters ang dalawang koreanovela na Mamaw In Law na nakakuha ng 5.8% at 5.6% na tv ratings naman ang nakuha ng I Heart U Doc.
Samantala nakapagtala ang morning show na Magandang Buhay ng 6.8% na tv ratings sa mas maaga nitong oras na kalimitan ay kakaunti palang ang nanonood sa ganitong oras. Mataas na ito sa timeslot na kanyang kinabibilangan.
Abangan tuwing umaga ang Yang Ang Morning pagkatapos ng Dragon Ball Z at bago mag Mamaw In Law sa GMA Network.
